Hakha Rungtlang hrambunh Kha Lah Yah – 266 Bioha ah a um mi Pyithusit pathum cu 2025 April 13 ah hrimnam kuanzen he CDF-Hakha sin ah an i ap tiah theih a si.
“Hramhram in uknak a la mi SAC riantuanak ka duh lo, mizapi dohthlennak (Pau Dohthlennak) ah ka tel ve lai tiah hriam he Chinland Defense Force – Hakha sinah CDM an tuah,” tiah CDF-Hakha nih nihin April 15 ah a thanh.
Pyithusit pathum nih MA1 meithal zun khat, MA3 meithal zun khat, MA11 zun khat, kuan bawm hna le zenthong an rak i ken tiah theih a si.
Hriamnam he a rak i ap mi hna cu laksawng tangka an pek hna pin ah himnak hmun an phak tiang tuanvo kan laak hna ti zong an langhter.
Tu kum chung April 6 ah Hakha um Palek pakhat, March 25 ah Pyithusit pahnih, February 17 ah pyithusit pakhat, January ni 3, 6, 7, 8 le 14 ah pyithusit pasarih zong nih CDF-Hakha sin ah hriamnam he CDM an rak tuah cang tiah kan theih.
