Hakha khua, Rungtlang ah hram a bunh mi SAC ralhraang 266 Battalion in ralkap pathum cu November 11 lio ah hriamnam tling he CDF-Senthang sin ah an rak zaam tiah theih a si.
Cu ralkap pathum nih cun MA1 meithal pakhat, zenthong bawm pathum, kut cheh bomb pathum le zenthong pawl an rak i zaampi. Cuhna pathum cu aa tlak ning in laksawng tangka pek an si hnu ah himnak hmun ah kan thlah hna tiah CDF-Senthang nih nihin ah an thanh.
