Hakha Rosemary Clinic ah Mask a ngei lo mi nih free in i lak khawh a si tiah May 27 ah kan theih.
Hi kong he pehtlai in Rosemary Clinic a ngeitu Ngun Ca Tial nih, “Hi bantuk zawtnak a um lio ah a harsa deuh mi nih COVID-19 zawtnak in an i runven khawhnak hnga ka tikhawhtawkte in bawmhnak ka tuah mi a si. Mizapi nih i lak khawh a si. Mah belte hawile ca le mifial in lak khawh a si lai lo. A herh mi nih anmah tein i lak a si lai,” tiah The Hakha Post ah a chim.
A hmun cu Hakha Lamtonnak/IBC kalnak lam/ The Hakha Post zung le Cherry Guest House kar ah a si. Mask hi sii-khan ka hon caan zing suimilam 7 in 9 tiang, zaanlei sang suimilaam 4 in 6 tiang ka on i ka on caan poh ah a duhmi nih rak i lak khawh a si tiah Rosemary Clinic ngeitu nih a chimchap.
