Hakha Peng Penguk Pu Chan Fiang cu Penguk in Ramkulh ah aa thial cang, tiah kan theih.
“Rian i thial ti mi cu Cozah riantuantu kan dihlak nih kan ton mi a si. Rian hmun i thial le rian i phuah tibantuk cu a um peng mi a si ko. Atu hi Penguk in Ramkulh lei ah aa thial bia khi a si. A rian a tum, a kai tinak a si lo. Rian pohpoh cu a hmun kha i thial cio phung a si ko. Cu ruang kha ruang ah a rian in thial a si ti zong a um lo,” tiah Chin Ramkulh Cozah Sipin Minister le Chimphuannak Nawlngeitu U Soe Htet nih The Hakha Post ah a chim.
“Rian an ka thialnak hi a ruang nan hngalh pah cio lai ka zumh. A si khawh ahcun fianghlang deuh zong in hlat kho ulaw a tha. Zeiti a va si hmanh ah kan thiamtawk in ram le miphun ca ah kan tuan mi rian a si ko ca ah ka siarem ko,” tiah Pu Chan Fiang nih The Hakha Post ah a chim.
Pu Chan Fiang cu Deputy Director dirhmun in Ramkulh Uknak Zung ah aa thial i amah zaka ah U Tea Nyein chiah a si, tiah kan theih.
Photo: amah facebook
