Hakha Peng Fiarti khuami Pi Hram Tial (kum 65) le Pu Lai Lian (Kum 55) cu lo an duahnak ah mei nih a hliam hna i April 16 zaan 5:00 ah Hakha Sii-inn an phan.
Lo duahnak in aa hliam mi Pu Lai Lian hi a hnar le hnakhaw ah Pi Hram Tial hi a hmai le a kutke a kangh hna. Pi Hram Tial hi a zual deuh ca ah Hakha Sii-inn ah an thlop cuahmah i Pu Lai Lian cu Sii-inn ah a um ti lo.
“Pi Hram Tial le Pu Lai Lian hi tafar an si i lo an duahnak ah mei nih a hliamh sual mi hna a si. Mei lam an sial cuahmah lio ah mei nih hliam dawh an si. Atu ah an i thlop cuahmah lio a si i an dam colh ko lai tiah ka zumh,” tiah Hakha Palek Sii-inn tuanvo ngeitu Pu Amos nih The Hakha Post ah a chim.
Hakha Peng khua cheukhat cu lo a duah kho rih lo mi an um i Fiarti khua zong atu ah lo an duah i mei nih a hliamnak hna nak a si tiah thawng kan theih.
Photo: Internet
