Hakha peng ah facility quarantine um mi January 28 tiangah minung 227 an si tiah theih a si.
Hi facility quarantine um mi kong he pehtlai in Hakha penguk zung lutlai U Myint Oo nih, “January 27 tiangah Hakha peng ah facility quarantine a um mi hi minung 227 an si” tiah The Hakha Post ah a chim.
Facility quarantine a um mi hna hi cozah lei in bawmhnak hi an pek hna, ni khat ah minung pakhat ah tangka 3500 in ni 14 an um i an chuah pah ah minung pakhat ah tangka 49000 an pek hna tiah theih a si. Cozah nih bawmhnak pek mi ah building company minung pawl, cozah riantuantu hna le Hotel quarantine um mi pawl hi cu pek an si lo tiah theih a si.
Ahlan ahcun facility quarantine hi ni 14 chung an um hnu ah inn ah zarh khat chung um ter an si nain atu cu facility quarantine ni 14 um hnu ahcun inn ah zarh khat um a hau ti lo tiah theih a si.
