Hakha um SAC palek pakhat nih September 4, CDF-Hakha sin ah hriamnam he CDM a rak tuah ṭhan tiah theih a si.
“Hi bantukin Chinland Defense Force-Hakha sinah CDM in dohthlennak a tuah mi cu lunglawm tein kan cohlan i phaisa kan pek lengah a humhimnak hmun a phak tiang ṭuanvo kan lak” tiah CDF-Hakha nih a thanh.
September ni 2 le ni 4 ṭhiamṭhiam ah SAC palek pahnih zong CDF-Hakha sin ah hriamnam he CDM an tuah cang i, ni thum chung ah Hakha um palek pathum nih hriamnam he CDM an tuah.
“SAC ralkap rianṭuannak doh in, mizapi dohthlennak (Pau dohthlennak) ah CDM in tel a duh mi paoh cu, Chinland Defense Force-Hakha sinah pehtlaih khawh peng kan si, a humhim nak nan phak tiang ṭuanvo kan i lak hna lai,” ti zong CDF-Hakha cathanh ah an langhter.
Photo: CDF-Hakha
