Hakha khua ah palek a tuan lio mi palek sen hnih pakhat nih February 25 ah meithal le kuanzen i ken in Chinland Defense Force – Hakha sin ah CDM a rak tuah tiah CDF-Hakha nih an thanh.
“Hramhram in uknak a la mi SAC ralkap rianṭuannak ka duh lo, mizapi dohthlennak (Pau Dohthlennak) ah ka tel ve lai” ti in CDM a rak tuah tiah an langhter.
CDM a rak tuah mi palek pa nih G3 meithal zun 1, Magazine – 4 le Meithal kuan tlawmpal he CDM a rak tuah.
CDM a rak tuah mi palek pa min tu cu thanhca ah an langhter lo.
CDM in dohthlennak a tuahmi cu lunglawm tein kan cohlan i phaisa sing 30 kan pek lengah a himnak hmun a phak tiang ṭuanvo kan lak. CDM tuah in dothlennak ah tel a duh mi poh cu, Chinland Defense Force – Hakha sinah pehtlaih khawh peng kan si, himnak hmun nan phak tiang ṭuanvo kan in lak hna lai, tiah an langhterchap.
