2020 March 25 ah Hakha Peng Meithat Zung riantuantu cheukhat hna nih Hakha Hotel le Thu San Thit Datsii dawr ah mei lei ralrinnak kong he pehtlai in fimchimhnak an tuah, tiah kan theih.
Hi kong he pehtlai in Hakha Peng Meithat Zung lutlai U Thian Nun Muang nih, “ Hi ralrin peknak le fimchimnak ah, Meithat Zung in a rak ra mi hi minung 16 kan si, cun meithat motor pakhat, mizaw phorhnak motor pakhat le ti phor motor pakhat kan rak i ken. Cun, ti zong Timit ah kan than i, ti zong kan i zaa ko,”tiah The Hakha Post ah a chim.
Cu lawng si loin Thu Saan Thit datsii dawr zong ah mei thah ning kong he pehtlai in datsi dawr riantuantu pawl zong mei thah ning cang pakhat tete in an chimh hna.
Atu an tuah mi hi 2020 chung ah a voi khatnak a si. Kum dang zong ah mei thahnak kong he pehtlai in fimchimhnak an tuah lengmang, tiah kan theih.
