Hakha market thar foundation thlak mi a that lo ca ah a thar in sakter than an si, cu design thar a chuah hnu lawng ah dawr khaan mee zuh khawh a si te lai, tiah thawng kan theih.
“A thar in foundation thlakter than an si i foundation an thlak thar mi design Chin Ramkulh Cozah nih a cohlan le a fehter hnu lawng ah dawrkhaan hmuh a duh ve mi hna nih mee zuh a si te lai,” tiah Chin Ramkulh Sipin Lutlai Pu Thla Hre nih The Hakha Post ah a chim.
Hakha market thar sak mi cu Design Excel nih tuanvo laak in a sak i a sak mi foundation a that lo ca ah Chin Ramkulh Hluttaw nih biachahnak tuah hnu ah a thar in sak than ding a si.
“An thilri hman mi zong a tha lo, rikhiah mi sinning zong a tlinh lo hlei ah foundation an thlak ning hrim a dik lo ca ah a si kho bak lo. Cucaah, a thar in sakter than an sinak hi a si,” tiah Pu Thla Hre nih a chimchap. 
