Zapi aw
Chin Ramkulh khualipi Hakha cu thianghlim tein um seh ti an duh ca ah tangka tampi dih in USA um kan Laimi nih Hakha Dawrthar le Pyidawtha ramri Lunghleiva kam ah zun-inn 12′ x 8′ (zunte inn) an kan sakpiak mi cu kum khat fai lawng kan hman rih nain tuanvo latu an um lo ca ah Zu palang, haangthlum dur, plastic phun zakip hlonhnak ah an hman i nihin ahcun hnawm khur ah can aa tim cang.
A chung ah luh in hman ngam ding a si ti lo. A thu, a nam tuk cang. A kan bawmtu ramleng um fanau nih hmu ve tuah hna sehlaw, kan mual a pho cikcek hnga. Mitam deuh hmuhning ahcun Sipin kan bawile nih an kuttang mi pakhatkhat kha tuanvo kan pekpiak hna sehlaw a tlawm bik thla khat voi khat in thianhhlimhnak kan tuahpiak hna sehlaw kan i lawm ko hnga ti a si.
2019 June 28 ah Hakha GTI siangakchia nih khuachung thianhhlimhnak an kan tuahpiak i kan i lawm tuk. Hmailei zong ah biaknak lei in siseh, Department dangdang le phu dangdang zong nih khuachung thianhhlimhnak tuan tik ah Hakha khualipi nih kan ngeihchun Dawrthar lamtonnak Lunghleiva kam i kan zunte zunnak innte khi hnakkartenh le zaanghleicawi in nan kan thianhpiak naklai toidornak in zaangfah kan nawl ko hna.
Cun, a hmangtu zong nih zunte zung loin zu dinnak le zu palang hlonhnak i kan hman mi cu minung a si ve ko mi nunning le sining hrim a si lo. Mikello nunzia a si ca ah mi biafak innak a si ca ah chantawinak zong a si. Kan thinh hrimhrim ding zong a si.
Thianhlim a duhtu pa, Hakha
Biakilh: “Zapi aw” hi The Hakha Post dirhmun le ruahnak si lo in catialtu pumpaak ruahnak le dirhmun an si.
