Hakha Khuahlun Sang khuahelnak lam kam ah Langta (vaa) 14 cu zaan khat an riak, tiah kan theih.
Hi kong he pehtlai in khuami pakhat nih, “Atu bantuk in Langta kan hmuh hi, a voi khatnak lawng si loin a liamcia kum 2015 kokek harnak puicimh a rak tlun lai zong ah khan Langta kan hmuh cang. Cun, Langta lawng si loin Langak zong kan hmuh. Khuaruahhar ngai a si mi cu a liamcia kum 2015 lio ahkhan Langta an rak chuah caan a rauhhlan ah Hakha kokek harnak nih a rak kan phak. Atu zong hi ruah awk a um ngaingai. Pathian sin tu ah thlacam zungzal ko hna usih,” tiah The Hakha Post ah a chim.
Hi Langta hi 2020 March 27 ah an hmuh i March 28 tiang an um. Hi Langta an riahnak hmun zong hi COVID-19 zawtnak he pehtlai in lunghrinh mizaw an chiah nakding Zaanglek inn pawng ah a si tiah kan theih.
