Hakha khuachung uico pawl zuar le thah ding in CDF-Hakha nih nihinn July 30 ah mizapi sin ah theihternak a tuah.
“Hakha khuapi chung ah zuatmi uico hna nih mi an lauter i dothlennak zong hna a hnawh ngai caah 2024 August 1 hlan ah nan uico nan zuar lo le nan thah cio naklai thawng kan in thanh hna,” tiah CDF-Hakha nih a langhter.
Uico a bo ruang ah SAC ralkap nih zawndomh in bomb asiloah meithal an kah khawh i innpa le sang chung mi nih harnak a ton khawh pin ah dohthlennak a tuahtu minung zong harnak an tong kho, tiah CDF-Hakha nih fianternak a tuah.
Kan zuatmi uico ruang ah innpa, sang chung mi le dohthlennak a tuahtu minung hna harnak an ton tik ah uico ngeitu lei nih ṭuanvo laak khawh a si lai lo caah kan zuatmi uico tu kha fimtawl chung ding in CDF-Hakha nih Hakha khuami hna sin ah theihternak a tuah.
