Myanmar ram Cozah nih COVID-19 ruang ah harsa hna bawmhchanhnak ah tiin mei unit 150 tang a hmang mi alak in pek ding ti mi cu Hakha ah chungkhar 7000 renglo mei man an pe lai lo, tiah Hakha Peng Electric Zung inMay 8 ah kan theih.
“Mei man pek ding hi kan tawlrel cuahmah. Atu kan tuak ning ah unit 150 tang a hmang mi hi chungkhar 7000 leng an si. Asinain, kan zohfel deuh lai i kan palh sual ahcun kan remh than te ko lai. Phundang cun, mah innchung herh lawng ah unit 150 tang a hmang mi lawnglawng kha luatter an si lai i chawkawlnak (sipuazi) ca ah a hmang mi tu cu an luat lai lo,” tiah Hakha Peng Electric mei lutlai U Maung Ohn nih The Hakha Post ah a chim.
2020 April thla ca mei man cu May 11 thok in mei man peknak ca phawt a si lai i Cherry lampial, B.E.H.S. No. 2 sianginn le Electric Zung ah mei man pek a si lai, tiah kan theih.
