Hakha khua, Pyidawtha sang ah a um mi Gospel Baptist Church ah IB-266 battalion in SAC ralkap pawl hmunhma an la tiah Chin Human Rights Organization (CHRO) nih nihin, March 19 ah a thanh.
Hi hlan zong ah Tactical Operation Command, Hakha kut tang IB-266 SAC ralkap pawl cu Hakha khua Khrihfa biakinn pahnih ah hmunhma an rak la cang.
2023 February ah Believers’ Church le 2022 October thla ah UPC Biakinn ah ti in IB-266 SAC ralkap pawl hmunhma an rak la cang tiah CHRO nih a langhter.
2023 December zong ah Hakhathar, Nahau Tlang ah a um mi Peter UPC Biakinn ah SAC ralkap pawl cu umhmun khuar in an rak riak i Biakinn chung ah zu an din hlei ah pastor quarter zong an boh, thil an fir tiah khuami sin in kan theih.
Photo: Pyidawtha Gospel Baptist Church
