January 29 Hakha Town Hall ah Khuanu Khuapa hna le Chin Minister hna tonpumhnak an ngei. Hi tonpumhnak ah Khuanu Khuapa lei in an duh herh mi tampi an chim mi lak ah innhmun kong kau hi a si.
Tutan innhmun samhnak le soknak ah inn ngei ko nain innhmun a sok mi le innhmun sok ding le ding lo kong ah aa tlaak mi hna cu chekhlattu phu hna nih chekhlatnak an tuah hna.January 12 kha innhmun sok caan a dongh ni a si. Innhmun a soktu hna hi minung a thong leng an si. Cu chung ah minung 300 reng lo hna cu innhmun pek awk tha mi an si lo, inn ngei cia le pekding ah a tlaak lo mi chungkhar an si, chungkhar 600 reng lo hna lawng hi a dik mi an si, tiah chekhlattu phu nih an fehter cang,” tiah Sipin lei Minister Pu Salai Isaac Khen nih a chim.
Tuandeuh ah innhmun soktu hna chekhlatnak kan tuah khawh cun mee zuh kan thawk colh ko lai tiah an rak ti, atu cu a fiang pah ko cang i a rauh hlan ah innhmun mee zuh a si colh lai tiah zumhnak ngeih a si.
