Hakha GTI sianginn ah a voi khatnak muici thuh (Color Festival) le Tii toih (Water Festival) puai 2020 March 2, suimilaam 10:00 am in 2:00 pm tiang GTI sianginn kulh chung ah an tuah tiah kan theih.
Hi kong he pehtlai in Hakha GTI siangngakchia bu lutlai Salai Cung Lian Thang nih, “Atu bantuk in kan tuah mi hi sianginn Principal le saya/mah te hna nih theihpinak in kan tuah mi a si. Hi kan tuahnak ding ca ah kan principal pa nih tangka in bawmhnak zong an kan pek. Hi bantuk in kan tuahnak a ruang bik cu pakhatnak ah sianginn a hnu bik camibuai zong a neih cang i kan thluak le kan lung var deuh seh, hninghno deuh seh, pahnihnak ah kan sianginn nih a tuah bal lomi thil tete zong i tuah ve seh ti kan duh ca ah a si,” tiah The Hakha Post ah a chim.
Hi puai an tuahnak ah siangngakchia minung 350 leng an i tel i, DJ ringawn tum thiam pakhat an hlan i a ra mi poh sin ah DJ ringawn hmuhsaknak zong a ngeih piak hna.
