Chin Ramkulh, Coronavirus Disease 2019 (COVID-19) runvennak committee le Ngandamnak zung nih zulhphung ser mi ning in Hakha Peng chung ah ramchung in a rak tlung i Facility Quarantine ah chiah mi minung 23 hna cu 2020 November 16 ah an chuahter cang hna tiah theih a si.
Hakha khuachung Facility Quarantine ah chiah mi hna hi nicaan khiah mi ni 14 chung ah voi hnih tiang zawtnak an chek hna i zawtnak hmuh an si lo ca ah inn ah an tinter than cang hna hi a si. Cun, atu inn lei ah tinter cang mi hna hi an dihlak in ramchung in a rak tlung mi an si tiah kan theih.
Facility Quarantine ah chiah mi poh hna hi rian ngeitu hna nih ni khat ah Ks. 3500 in ni 14 chung an pek hna. Atu Hakha Facility Quarantine Center hmun 4 ah a taang rih mi hna hi an dihlak ah minung 93 an si tiah kan theih.
Photo/ Hakha IPRD
