Hakha COVID-19 Response Committee nih Hakha sii-inn ah a voi nganakbawmhnak an pek than tiah, June 26 ah kan theih.
Hi kong he pehtlai in Hakha COVID-19 Response Committee chungtuan Dr. Biak Lian Cung nih, “Atu kan pek mi hna hi a voi nganak a si cang. Atu kan pek mi hna Patient Monitor a si. US lei ta a si. Aman cu Myanmar ram tangka nuai 4,636,500 man a si,” tiah The Hakha Post ah a chim.
“Hi hnu hmailei sianginn hon tik zong ah sianginn nih a herh mi pawl zeidah kan bawmh khawh hna lai ti kan tuaktan lio a si. Face Shield, Hand Fertilizer, Mask le taklinh tahnak pawl zeitindah kan bawmh khawh hna lai ti hi Fimcawnnak lei he pehtlaih khawh kan i zuam lio a si. Research kan tuah mi zong report kan tuah mi voi khat a chuak cang. Cauk in kan chuah i kan chuah mi cauk zong mizapi sin ah kan phakter cang lai. COVID-19 a dih hnu zong ah Cozah lei he zeitin kan tawlrelti lai timi zong kan ruah lio a si,” tiah Dr. Biak Cung Lian nih a chimchap.
