Hakha Carson Hall ah Hakha hrambunh Mytel Operator thar nih honnak an tuah

Myanmar ram ah Telecom thar a si mi Mytel Operator thar cu Chin Ramkulh chung zong ah hram a bunh ve i June 9 chun hnu suimilaam 2:30 in Carson Hall ah honnak an tuah.
Hi Mytel Operator thar honnak ah Hluttaw Chairman Pu Zo Bawi, Transport and Communication Minister Pu Sui Thio le Boarder Affairs Minister Colonel. Han Win Aung le a dang Cozah zung riantuan hna zong nih an telpi khawh hna.
Hi honnak ah Minister Pu Sui Thio nih biatawi chimnak a ngei. Mytel nih honnak a tuah ni ah sawm mi chung in a rak chuak kho mi hna cu Mytel Sim card pakhat cio le Top up 1000 in 5000 kar an pek hna hnu ah eidin hrawmtinak zong an tuah chih.
Tutan Mytel honnak tuahnak ah minung 150 hrawng an chuak kho i Music lei le Local hlasak thiam zong an sawm hna.
Mytel hi Vietnam ram nih a ngeih mi a si i Asia ram chung ram 11 ah hram a bunh cang mi a si. Myanmar ram hi a hnu bik hram a bunh mi si. Nihin online media cheukhat pawl nih Mytel hi ralkap he aa pehtlai mi Telecom thar a si tiah soisel zong a tong ngai.