Hakha BEHS, No.1 Hakha sianginn kulhnak vampang cu Pu Chan Hrem hruainak in an kulh lio a si tiah June 17 ah kan theih.
Hi kong he pehtlai in Hakha Basic Education High School No.1, Hakha ah sianginn thathnemnak lei lutlai Pu Chan Hrem nih, “BEHS, No.1 ah a kai mi siangngakchia nu le pa pawl meeting kan tuah hna i hi kan sianginn kulhnak hau hi a zoh chia tuk ca ah kan i zuam lai i tha tein kan remh lai tiah bia kan chah. Kei mah nih pakhatnak ka tuah lai ka hnu in nan ka zulh lai ka ti hna. Hakha Penguk Pu Thla Cung nih a voihnihnak a ka zulh ve. A voithumnak hi kei mah nih ka tuah thiam thiam. A tang mi hi minung 9 hrawng nih an hlut ve cang cang. Hi kan tuah mi kuat khat ah hin tangka sing 2 hrawng a dih. A dihlak kuat 40 hrawng a si. A tu hi kei mah nih ka tuah chih dih chung dih,” tiah The Hakha Post ah a chim.
“A tang rih mi zong hi BEHS no.1 sianginn ah fimnak hnuk a ding bel mi ka si ko a ti mi poh nih nan kut rak samh ve cio uh tiah sianginn thathnemnak lei phu in kan in sawm hna. A hlu tu poh kuat khat an mah le an duh ning tein an nu le an pa min zong, an mah min zong kan tial piak hna lai,” tiah Pu Chan Hrem nih a chim chap.
