SAC ralkap nih Hakha khua i ralzaam milu 3500 hrawng cu bawmhnak tangka 20,000 MMK cio a pek hna, tiah SAC thawngthanhnak MRTV nih a chim.
Nizaan February 27 zinglei sml. 10:00 hrawng ah Hakha khua i penguk zung ah SAC nih bawmhnak peknak program an tuah tiah theih a si.
SAC nih bawmhnak a pek mi hna lak ah Thantlang ralzaam 331, Falam ralzaam 2090, Matupi ralzaam 94, Kanpetlet ralzaam 24, Mindat ralzaam 4, Tonzang ralzaam 16 le Hakha peng ralzaam 24 an i tel, tiah MRTV nih a langhter.
Atutan bawmhnak an pek mi thong 20 hi Janaury 2025 ca ah a si i, February le March thla ca zong April thla ah pek than an si lai tiah theih a si.
