Chin ramkulh, Hakha khua ah a um mi palek pakhat cu 2024 March 24 ah hriamnam he CDF-Hakha sin ah CDM a tuah tiah theih a si.
“Hramhram in uknak a la mi SAC ralkap rianṭuannak ka duh lo, Mizapi dohthlennak (Pau Dohthlennak) ah ka tel ve lai tiah hriam he Chinland Defense Force – Hakha sinah CDM a tuah,” tiah CDF-Hakha nih a thanh.
Cu bantuk in CDF-Hakha sin ah hriamnam he CDM a tuah mi cu tangka Kyats sing 50 an pek i himnak hmun a phak tiang ṭuanvo an laknak kong zong an ṭial.
“SAC ralkap rianṭuannak doh in, mizapi dohthlennak ah CDM in tel a duh mi paoh cu, Chinland Defense Force-Hakha sinah pehtlai khawh peng kan si, a humhim nak nan phak tiang ṭuanvo kan i lak hna lai,” ti zong CDF-Hakha nih thawngthanhnak ah an langhter.
Photo: CDF-Hakha
