Damlo zawtfahnak ruangah khuate lei in a ra mi, dam lo mi hna caah, caan karlak i dinh khawh chungnak ding ca ah umnak hmunthar tha taktak mi Hope Center cu October 1, 2020 in um khawh, idor khawh a si cang tiah rianngeitu sin in kan theih.
Hi kong he pehtlai in, “Hope Centre saknak cu, Australia ah khual ka tlawn lio in Perth Chin Baptist Church Australia, church pastor a si mi Rev. Tin Kung le khrihfabu he tiin bia kan rak i ruahnak in, minung pakhat ah dollar fang khat cio i thawh nak in siseh kanmah innchungkhar nih kan ti khawh tawk kan chuahnak in siseh aa hram rak thok mi a si,” The Hakha Post ah a chim.
Hi Hope Center cu damlonak ruangah khuate lei in Hakha a phan mi, tlun inn a ngei lo mi hna, caan karlak umnak a ngei lo mi hna ca ah idornak le idinh chungnak hnga ca ah a si, Hope Centre hi dot 2 a si, khan 6 a um,” tiah rianngeitu Pu Cung Hu nih a chimchap.
