Hakha khua ah min langhter lo mi bawi pakhat cu Hakha Kitchen ah chuncaw a ei i a naule nih, “Kan pu chuncaw a ei lio tiin motor PK lam an khamter hna,” tiah PK sin in April 9 ah thawng kan theih.
“Bawi pakhat a kuttang nu nih, kan pu chuncaw a ei lio a si. Lam kan khampiak tiah a ka ti. A ngaingai cu President dahlo lam khampiak ti hi ka hngal bal lo. Chief Minister le Minister zong a si fawn lo. Lam upadi zong ah hihi a um bal lo mi a si. Hi lam khamnak nih a chuahpi mi cu caan a chuh, khawndennak zong a chuak kho i atu hoi cu lam an remh lio a si tik ah lam a bi tuk. Hakha Kitchen in Nyein Store tiang motor a kham. Hakha khua cu lam a bi tuk fawn i motor an kham tik ah umkalnak a buai tuk. Hihi cu hmailei ah hmang ti hna hlah sehlaw a tha hnga,” tiah min langhter lo mi Hakha PK (Traffic Police) pakhat nih The Hakha Post ah a chim.
Hakha khuachung cu AC Plan in nylon kataza phah cuahmah a si tik ah lamkam ah motor pakhat a dir ahcun motor siseh, motorcycle luhcuahnak a har pin ah ke in a umkal mi hna ca zong harnak tampi a um, tiah kan theih.
TNLA ralkap thong khat leng nih Special Combat Training an lim
13 November 2024
