Myanmar ram ah zuu serchuahnak sehzung ngan a si mi Grand Royal Sehzung cu nihin zaanlei suimilaam 3:00 hnu in a kaang i zaan suimilaam 8:00 tiang a kaang cuahmah rih tiah theih a si.
Hmun dang ah mei lawn lo dingin meithat riantuantu hna nih an i zuam i meikanghnak in a puak mi ruang ah meithattu le bawmchantu cheukhat hma an pu tiah media tampi nih an tial.
“Meikangh ruang ah puahkehnak a chuak. A biapi in meithattu hma an pu. An vun mei nih a kangh hna. 10 leng hma an pu” tiah bawmchantu phu in tuanvo ngei pakhat nih a chim.
Yangon khua, Hmawbi peng, No. 4 lampi cung ah a um mi Grand Royal Sehzung cu nihin zaanlei suimilaam 3:00 fai in atu tiang a kaang cuahmah tiah theih a si.
■ Photo – CJ
