Chinram hi lamsuul a chia an ti lengmang, fuurpi theng lam a chiat lio ah hmuh ka duh a ti i Vice President-2 Pu Henry Van Thio Chinram a hung tlawng than i nan lam a tha tuk, ka ruahnak leng in a tha a kan ti, tiah Minister Pu Sui Thio nih September 7 ah a chim.
“Nan fel tuk. Nan lam a tha tuk hringhran. Ka ruahnak lengpi bak in a tha. Fuurpi a si nain a tha hringhran. Hmandaw lam zeimawka zawn tete belte nan hun remh lai a kan ti i kan remhcolh ve ko lai,” tiah Chin Ramkulh Cozah Lamsuul Minister Pu Sui Thio nih The Hakha Post ah a chim.
Tutan VP Pu Henry Van Thio nih Khuate thanchonak rian pawl a zoh pin ah, Hmandaw lam meng 66 le furlong 7, Hata, Mindat, Matupi, Rezua, Siata, Lotaw, Lungdua, Rangsin lam tiang a zoh i Gangaw ah an riak. Atu hi September 10 cun mee pek sawm khawh a si cang ca ah Thantlang ah a lanh lio a si, tiah kan theih.
