Future Hope Foundation ti mi bu nih CDF-Matupi Battalion (2) ca ah meithal zun 3, kuan 1,200 le a dangdang thilri pawl an hlut, tiah theih a si.
CDF-Matupi sin ah an hlut mi pawl cu: M4 meithal zun 2, AK meithal zun 1, kuan 1,200, ralkap hnipuan le dahmei 10 hna an si.
“Ahmasa ah cun meithal zun 2 hlut ding in timhtuahnak kan ngei nain mizapi nih lungtho thatho ngai in tangka an rak hlut caah meithal zun 3, kuan 1,200 le a dangdang thilri pawl zong kan hlut khawh hi a si. Atu bantuk in lungtho te in mizapi an i teltumnak nih kan ralkap pawl zong an lung a thawhter ngai hna,” tiah Future Hope Foundation ṭuanvo ngeitu nih a chim.
Mizapi thazaang in Future Hope Foundation nih meithal, kuan le a dangdang thilri pawl an hlut mi cung ah CDF-Matupi zong nih nihin ah lunglawmhnak ca an chuah.
