India le Myanmar ramri ah zalong tein i tlawnkai khawhnak Free Movement Regime (FMR) cu India cozah nih hrawk in ramri hau kulh a timh mi kong ah tualchung minung a za nih Rih-Zokhawthar hlei ah duhlonak an langhter.
Nihin May 16 ah Zo Reunification Organization (ZORO) hruainak in Champhai District, Zokhawthar ah tualchungmi a za leng nih zinglei sml. 11:00 in lamzawh an thawk i, No. 2 India-Myanmar chawlehnak hlei ah dai tein duhlonak an langhter tiah theih a si.
Mizoram ZORO General Headquarters sawmnak in tualchungmi hna cu rian an i din, dawr an khar dih i, ‘Zofa te pumkhat kan si, aa ṭhen kho kan si lo,’ ti in duhlonak an langhter tiah kan theih.
