Fimcawnnak a hram in cawih thannak rian Falam khua ah an tuah

Pyidaungsu Fimcawnnak Minister le Chin Ramkulh Minister hna i tel in Falam khua ah Fimcawnnak zohfel thannak le a hram in cawih thannak April 10 ah an tuah.

Hi rian hi a voi khatnak Falam khua ah an tuah mi a si. Pyidaungsu Fimcawnnak Minister Dr. Myo Thein Gyi, Chin Ramkulh Cozah Chief Minister, Ramkulh Biaceih Zung Lutlai, Social Affairs Minister, Municipal Minister, Auditor-General, Hluttaw Palai hna, Ramkulh Fimcawnnak Zung Lutlai, Kalay University in Professor hna le Pengkomh le Peng-uk hna i tel in honnak an tuah.
“Hihi a voi khatnak kan tuah a si. Hmundang kaadang zong ah kan tuah te lai. Fimcawnnak a biapit zia kan hngalh khawh nakhnga biapi ah chia in kan tuah mi a si,” tiah Chin Ramkulh Cozah Social Affairs Minister Pu Pau Lun Min Thang nih The Hakha Post ah a chim.
Hi Fimcawnnak a hram in cawih than ding mi kong ah zaanghleicawi in Kalay University in siangngakchia 200 hrawng nih fimcawnnak thawk mi bawmh ding zong lungtlinnak an ngei.