Falam khuahcung, Tlanglo sang, meng khat phungki sianginn lam, August 31 zinglei sang ah motor pakhat a cangsual i nu pakhat nunnak a liam tiah thawng kan theih.
Hi kong he pehtlai in Falam khuami pakhat nih, “Motor a cangsual i zinglei sang ah a si. Hi motor cangsualnak ruang ah kum 43 upa Pi Mang Hlawn Sung cu a nunnak a liam. Pi Mang Hlawn Sung te hi motorcycle in a kal mi an si. Motor lonh an timhnak ah Pi Mang Hlawn Sung te hi an motorcycle ke a nal i cet lak ah an tlu. Cun, Pi Mang Hlawn Sung hi motor ke lei ah a va pet i motor nih a rial ca ah atu bantuk in a nunnak a liam hi a si,” tiah The Hakha Post ah a chim.
Atu bantuk in cangsualnak a chuaknak hmun hi Falam hauka luh ka Tlanglo sang i phungki sianginn lam ah a si. Cun, Pi Mang Hlawn Sung hi motor nih a rial ca ah a taang hi fak ngai in aa khawng i sii-inn an phak hnu ah a nunnak a liam tiah kan theih.
