Chin Ramkulh, Falam khuapi 2021 February 27 mizapi lamzawhnak ah tlaih a tong mi mino minung pathum hna cu rianngeitu hna nih pohma 505(A) in taza an cuai hna tiah theih a si.
Falam mizapi lamzawhnak ah tawlreltu min langhter duh lo pakhat nih, “An tlaih hna le cangka in Falam Vankau ralkap sakhan ah an hren colh hna. Biaceih zung ah voi khat cu an chuahpi cang hna. March 4 hi
voi hnihnak an chuak than lai. Hakha i tlaih mi bel a tam deuh cu an thlah cang hna nain, kannih lei hi zeiruangahdah an thlah duh hna lo ti hi kan i fiang ve lo. Thlahpiak than ding in kan pastor te zong nih an tawlrel len ko nain nihin tiang cu tlamtlin dawh a si rih lo,” tiah The Hakha Post ah a chim.
2021 February 27 Falam khuapi mizapi lamzawhnak ah ralkap le palek nih mibu an thencheu hna. Hi ni ah mitthli tlaknak bomb zuun thum an puah hnawh hna i minung pathum an tlaih.
Atu taza an cuai hna nak za-za-tat-ci pohma 505 (A) hi aa-ma-khan piak a ngah lomi pohma a si i, kum hnih thong le tangka in dantat khawh mi a si
