Chin Ramkulh Falam Peng, Falam sii-inn pi ah chiah mi COVID-19 mizaw case No. 36523 cu a dam cang ca ah October 28, 2020 ni ah sii-inn in chuahter a si tiah kan theih.
Hi kong he pehtlai in Falam Siizung Uk Dr. Tluang Cung Thang nih, “Falam sii-inn pi Isolation Ward i zohkhen cuahmah mi COVID-19 mizaw case No. 36523 cu zawtnak hmuh a si hnu voi hnih tiang zawtnak an cheknak ah negative a si ca ah sii-inn in chuahter a si. Sii-inn in chuahter hnu zong ah Home Quarantine ni 7 um chap ding in kan chimh. Tuni pakhat a chuah ca ah Falam sii-inn pi ah COVID-19 mizaw an um ti lo,” tiah The Hakha Post ah a chim.
Falam peng Lungpi khua erhkhumhnak hmun ah erhkhumh mi minung 12 an um i swab lak rih lo mi minung pasarih an um tiah kan theih.
Photo/ Dr. Tluang Cung Thang
