Falam ah Home Quarantine an chiah minung pakhat a thi tiah May 1 ah thawng kan theih
Hi kong he pehtlai in Falam sii-inn-uk Dr. Tluang Cung Thang nih, “Zung in dinhnak nawl a lak i an khua ah a va tlung. An khua hi Magwe Ramthen Aunglann khua a si. April 28 ah Falam a rak phan than. Amah hi Fimcawnnak ah Zipeng a si i amahte lawng a um mi a si. A hlatnak in a rat ca ah Home Quarantine ah i chia ko seh tiah an zunglei zong nih an kan ti ve. An zunglei nih amah ca ah umnak kan tuahcia mi um ko an kan ti i Home Quarantine ah kan chiah. April 29 zingka ah an zung nih phone an chawnh i a tlai ti lo. An va zoh ahcun a thaw a um ti lo. An kan auh i a zawtnak kan chek tik ah zunthlum le thithlum a ngei mi a si, cun, tuan deuh zong ah a zeng (lephiat) bal mi a si,” tiah The Hakha Post ah a chim.
“May 1 zingka ah a ruak kan hlai (khuaisaih) tik ah a thluak thahri a rak cat. A thluak thahri kha a thi khal mi nih a phih i a thluak ah oxygen a um ti lo. A thluak nih rian a tuan khawh ti lo ca ah lephiat in a thi,” tiah Falam sii-inn-uk nih a chimchap.
Famlam lawng si loin Myanmar ramchung ah Quarantine an chiah mi hna chung in Mandalay ah 44, Magwe ah 19, Mawlamyan ah 13, Kyaindone ah 3 an thi cang tiah kan theih.
Photo/CH Daily News
