Nizaan June 5 ah Falam khua pawng ah kum 62 a si mi pa upa pakhat nih bomb rap aa lamh sual caah a nunnak a liam, tiah thawng kan theih.
Bomb rap lamh sual ruang ah a nunnak a liam mi hi Congheng khuami a si i, Vaar hlei chak ah a um mi hai dum a vung vehvat lio ah atu bantuk hin vanchiat a ton hi a si.
Tualchungmi pakhat nih, “Vaar sakhaan chak ah SAC ralkap nih an kamh mi bomb rap aa lamh caah a ke pahnih ning in a tan i a hmun ah a thi,” tiah a chim.
SAC ralkap nih Myanmar ram uknak an laak hnu in Chinram chung ah bomb rap i lamh ruang ah tualchungmi 20 a thi cang i hliamhma a pu mi minung 37 zong an um, tiah CHRO nih a langhter.
