Facility Quarantine ah chiah mi hna cu cozah nih pehzulh in bawmhnak hi ni khat ah kyats 3500 a pek peng rih ko hna tiah theih a si.
Hakha khuachung Facility Quarantine a um mi hna kong he pehtlai in, Hakha PengUk zung lutlai U Myint Oo nih, “Hakha khua chungah Facility Quarantine ah a um mi hna hi bawmhnak cozah lei nih pek an si ko, asinain building company lei in a ra mi kan umter mi hna hi cu kan pe hna lo, anmah company lei nih tuanvo an lak hna. Cun, hotel quarantine ah a um mi hna zong hi kan pe hna lo” tiah The Hakha Post ah a chim.
“Palek hi minung zakhat hrawng a rak i thial mi an um, cu hna zong cu kan pe hna lo, Hakha College ah saya/sayama a rak i thial thar mi minung 59, cu hna zong cozah lei nih bawmhnak pek an si lo” tiah a chimchap.
Hakha khuachung ah hin facility quarantine a um mi hna hi minung 300 tluk an si tiah theih a si.
