SAC council chungtel a si mi Dr. Hmuh Thang le Chinram Chief Minister hlun Pu Hung Ngai te nih Chinram Thar Party (ချင်းပြည်သစ်ပါတီ) ti mi an dirh, tiah theih a si.
Chinram Thar Party chungtel ah Dr. Hmuh Thang, Pu Hung Ngai, Dr. Bah Maung, Pu Ngun Maung le Pu No Than Kap hna an i tel, tiah Khit Thit Media nih a langhter.
Naypyidaw thawngpang hram minung pakhat nih, “Chinram Thar Party dirh ding in biachahnak an ngei. Dr. Hmuh Thang nih a hruai hna i Yangon, Naypyidaw le Chin ramkulh peng pakua in hruaitu hna tonnak an ngei. SAC nih a tuah mi thimnak ah luh ding in hi party hi an dirh mi a si,” tiah a chim.
Chin party dirh ding in SAC chungtel hlun cheukhat nih an duh lo nain SAC council chungtel a si mi Dr. Hmuh Thang bia an el khawh lo ruang ah atu bantuk hin an dirh mi a si, tiah Khit Thit Media nih cun a langhter.
