Myanmar ram dohthlennak kum 4 chung ah Chin miphun chung in minung 965 an nunnak a liam cang, tiah Institute of Chin Affairs (ICA) nih 2025 February 1 report a chuah.
A nunnak a liam mi 965 chung ah tualchungmi 491 an i tel i, a taang mi 474 hi mizapi ralkap an si, tiah a langhter chap.
Kum 4 chung ah SAC nih Chinram ah vanlawng in kahdohnak voi 241 a tuah i cu chung ah cun vanlawng bomb 1061 a thlak.
Vanlawng bomb thlaknak ruang lawng ah Chin miphun minung 249 an thih pin ah mipi innlo 1,280, acozah zung 38 le biaknak lei inn 39 zong an rawk tiah ICA nih a langhter.
Kum 4 chung ah a nunnak a liam mi Chinmi 965 chung ah minung 77 hi bomb rap i lamh ruang ah a thi mi an si i, tiah a langhter chap.
SAC ralkap nih Chinmi hna innlo hramhram in an khangh ruang ah le hriampi in an kah ruang ah kum 4 chung ah inn 3,479 leng an rawk, tiah ICA report nih a langhter.
Kum 4 chung ah Mizoram lei ah a zaam mi Chin ralzaam 65,00 0 leng le ramchung ah ralzaam dirhmun in a um i, 130,000 hrawng an um tiah ICA nih a langhter.
