Bago ramthen, Htantabin peng chung ah a um mi SAC ralkap, palek camp paruk le Zayatgyi khuapi hrambunh IB-73 SAC ralkap battalion cu nihin February 7 zinglei ah Karen miphun hriamtlai KNLA le PDF phu komh nih hmakhat te ah an kah hna i an laak khawh hna tiah theih a si.
Kahdohnak chung ah SAC nih vanlawng in bomb voi tampi a thlak hna i kahdohnak zong a faak ngaingai tiah kan theih.
“Bago ramthen khuate pawl Howitzer miakpi in zan fatin a kaptu IB-73 battalion le a dang camp pawl kan laak khawh. SAC nih vanlawng in bomb a thlak len. Kahdohnak zong aa peh i a faak ngaingai,” tiah raal a do lio mi dohthlengtu ralkap pakhat nih Ayeyarwaddy Time ah a chim.
Cu SAC camp laak kahdohnak cu KNLA, BPLA le Royal Peacock, Alavaka, Spring Warrior le Ayeyarwaddy No. 3 battalion hna i bawm in an tuah mi a si tiah kan theih.
Photo: Ayeyarwaddy Time
