Denmark ah paih bual a co bal mi Chuncung khuami tlangval Lian Za Pum cu tutan Chin Miphun Ni hmang dingin February 13 ah Hakha a phan i tlangval kan si ve bantuk in tutan Chin Miphun Ni ah kaa pai lai lo ti chim khawh a si lo tiah a chim.
“Ka pi le ka pu tlawn ah ka rak tlung ko nain tlangval kan si ve bantuk in tutan Chin Miphun Ni ah kaa pai lai lo ti chim khawh a si lo,” tiah tlangval Lian Za Pum nih The Hakha Post ah a chim.
“Tutan Chin Miphun Ni cu ni kum ah USA um Rung Lian Ceu tel in Chuncung nih Hakha ah paih bual kan rak co bantuk in tutan zong, Denmark in Chuncung khuami paih thawng Lian Za Pum tel in Chuncung nih pehzulh in bual co than kan i tim. Laihlum Chuncung kan paih thawng pawl zong atu hi timhtuahnak an ngei pah cang,” tiah Rev. Tluang Ceu nih The Hakha Post ah a chim.
Nikum Hakha Chin Miphun Ni paih ah US um Chuncung khuami paih thawng Rung Lian Ceu tel in Chuncung nih bual an rak co bal. Tutan Denmark in a rak tlung mi Lian Za Pum zong hi Chuncung khuami a si. Paih a thiam, a tha zong a thawng i bual zong a co tawn mi a si. Tutan Hakha Chin Miphun Ni paih zong nikum Rung Lian Ceu bantuk in paih a hlunhlaitertu ding a si lai, tiah zapi nih an ruah mi zong a si.
