Kachin ramkulh, Myitkyina-Bamaw lam ah a um mi Dawthponeyan khua hrambunh IB-142 SAC ralkap battalion nih an battaion ning in KIA phukomh ralkap sin ah hriam an chiah tiah theih a si.
IB-142 cu KIA le ṭangṭi phukomh nih nizan March 7 in kah hram an thawk. Nihin March 8 zinglei sml. 10:00 hrawng ah SAC ralkap nih thantaar raang an thlai i hriam an chiah tiah tualchung media a si mi KNG nih a ṭial.
SAC ralkap camp ah cun ralkap chungkhar pawl zong an um i, camp an laak cang nain SAC ralkap zat le kuanzen laak zat cu phung ning in thanhnak an tuah rih lo.
Dawthponeyan khua hrambunh IB-142 SAC ralkap battalion camp cu ralkap 100 leng in kum 30 ringlo hmun an rak khuar cangnak camp biapi ngai a si tiah theih a si.
Myitkhina-Bamaw motor lampi kam ah kum tampi a um cang mi SAC ralkap camp 12 hrawng cu KIA le ṭangṭi phu komh nih March 7 thawk in hma khat te ah an kah hna i camp le outpost 10 hrawng an laak khawh cang, tiah tualchung media nih an ṭial.
Hmanthlak: SAC ralkap pawl hmanthlak hlun a si.
