Thailand le Myanmar ramri Myawaddy khua lei ah raldoh bawmh ding in an thlahmi hna SAC ralkap mawtaw le tank tlarpi cu Dawnah tlanghrawn in hmai an nor khawh ti lo caah hnu ah an kir ṭhan, tiah theih a si.
Aluancia thla thum le cheu ah khan “Aung Zayya Operation” timi min in SAC nih ralkap 1,200 hrawng cu mawtwa tampi le tank pawl he Myawaddy lei ah a thlah hna.
Karen hriamtlai KNLA le PDF ralkap bu fonh nih SAC ralkap mawtaw tlarpi cu Dawnah thlanghrawn ah an hren hna i hmailei an nor khawh ti lo caah thla thum le cheu hnu ah SAC ralkap pawl cu hnu ah an kir ṭhan hi a si.
Dawnah tlanghrawn kahdohnak ah SAC ralkap lei a thimi an tampi i, raldohnak tank pakhat le mawtaw pahnih zong mizapi ralkap nih an hrawhpiak khawh hna.
“Aung Zayya Operation” in raal lam a sialmi SAC ralkap tam deuh cu July 26 ah khan mawtaw 28 in hnu ah an kir ṭhan i a dang ralkap 200 hrawng hi Dawnah tlang ah an taang rih, tiah People’s Spring nih a ṭial.
