Dawei peng, Thapyaychaung khuate Mayway tlang cung ah a um mi SAC ralkap camp pakhat kan laak khawh tiah Bahtoo Army-BHA nih nizan February 6 ah an thanh.
Cu SAC ralkap camp bo cu Bahtoo Army le Dawei Collective Column (DCC) nih February 5 ah an laak mi a si i, SAC ralkap camp in hriamnam kuanzen zong an laak khawh tiah theih a si.
SAC ralkap camp cu an laak khawh ko nain biaknak hmunhma a si caah mei khangh ta lo in an kir taak tiah an langhter.
Mizapi nih ralring tein thutdir ding le, rammi rungvengtu phu hna chuah mi thawngthanhnak zulh le upat ding kongkau zong cathanh ah an telh.
Photo: BHA
