Dalan ruang ah PDF-Kalay ralkap 10 cu nihin zinglei ah Kalay peng, Tharsi khuate ah tlaih an tong tiah theih a si.
PDF-Kalay ralkap pawl he pistol zun khat, M4 meithal zun khat, kuanzen pawl le Toyota Crown motor pakhat ralhraang nih an tlaihchih tiah ralhraang hnuzul media nih an langhter. Tlaih a tong mi 10 an si nain pakhat cu SAC ralhraang nih an tukvelhnak hma a fah ca ah hmanthlak ah an langhter lo.
Council ralhraang pawl nih Kalay peng chung ah phone line le internet line vialte an phih dih i PDF pawl tlaih an ton hnu zinglei suimilaam 11 hrawng ah phone line an hon than tiah theih a si.
Photo: Ralhraang hnuzul media nih an langhter mi hmanthlak an si.
