Mizoram, Lawngtlai khua in Myanmar ram, Rakhine ramkulh lei ah May 25 thawk in motor luhter ti lo ding in Central Young Lai Association (CYLA) nih a khap, tiah theih a si.
Lawngtlai in Rakhine ramkulh lei ah eidin tirawl le herhhai tampi cu nitin in phorh a si tik ah a caan ah cun Lawngtlai mizapi ca ah harnak a um tawn pin ah tangka thlen zong a hun kai ngai.
YLA nih, “Atulio hi Lawngtlai pengkomh le hmunkip in Rakhine State ah thilri luhpi a si. Asinain, naite ralhraang nih bomb an thlaknak Thru-Aing hi India ram he aa naihnak hmun a si caah a him hrim lo. Cucaah Lawngtlai District in Myanmar ramchung Rakhine ramkulh ah thilri phor motor luh hi thiltha lo a chuah khawh caah May 24 tiang lawng thilri phor motor kal caan kan hon,” tiah theihternak an tuah.
Theihternak tuah mi ngai lo in Rakhine lei ah thilri a phormi hna nih harnak an ton sual a si ahcun CYLA nih zeihmanh aa thlak lai lo, tiah CYLA nih mizapi sin ah theihternak a tuah.
