COVID-19 runvennak le khamhnak sii cawnak ca ah Myanmar ram Cozah nih bawmhnak a hal mi cu 2021 January 16 tiang ah Kyats 1 Billion le US Dollar 2.6 Million bawmhnak a ngah cang tiah Ramkomh Finance Minister Zung nih a thanh.
Hi kong he pehtlai in rian ngeitu pakhat nih, “Myanmar ram Cozah nih a chuah mi tangka he fonh in cun Kyats Million 1100 leeng, US Dollar 252 Billion leeng a si. Bawmhnak a petu hna hi ramchung ramleeng in minung 728 an si,” tiah a chim.
Myanmar ram ca ah COVID-19 khamhnak sii cawk nakding ca ah bawmhnak haltu Committee hi 2020 December 30 in an rak dirh mi a si. Cun, bawmhnak pek a duh mi hna ca ah tiin Myanmar Economic Bank ah Bank account kan tuah i pek khawh a si tiah an langhter chap.
Myanmar tangka in bawmhnak kuat a duh mi hna ca ah OA 013733 le ramdang tangka in kuat a duh mi hna ca ah EDC 600012 ah kuat khawh a si tiah aa tel.
