COVID-19 ruang ah Myanmar ram Ayeyarwaddy Ramthen, Yangon Ramthen Hlaingthayar hrawng sehzung an khar i riantuantu 8900 renglo rian ngei loin thla 2 chung an um cang, tiah Riantuannak Phu Zung nih a thanh.
2020 January 24 in March 10 tiang cazin laak ning ah sehzung 21 an khar i riantuantu 8900 renglo cu rian ngei loin an um, tiah Riantuannak Phu Zung CTUM in Phyo Sandar Htoo nih a chim. Hi rian ngei loin a um mi hi Ayeyarwaddy Ramthen le Yangon Ramthen chung cazin lak khawh mi lawng a si i Ramkulh le Ramthen dang zong ah rian ngei loin a um mi tampi an um lai, tiah zumh a si. (Ref: RFA)
