Myanmar ram cozah nih COVID-19 raikhamsii cawknak caah tiin mizapi sin ah bawmhnak a hal i, Myanmar ram um Muslim bu nih cozah sin ah Sing 1100 MMK an hlut tiah theih a si.
COVID-19 Vaccination fund timi bu cu 2020 December 30 Nay Pyi Taw ah rak dirh a si. Hi COVID-19 Vaccination Fund nihhin Bank Account pahnih an ser i cutin ram chung he ramleng he hlutnak tuah a si.
Ram chung mirum cheukhat zong nih hlutnak tete an tuah cio tiah theih a si. Irrawaddy Foundation lutlai Zaw Zaw nih 2 billion MMK, Eden company lutlai Chit Khan nih America Dollar 1.5 million le Capitol Diamond Star Group nih America Dollar 1 million tiin COVID-19 Vaccination Fund caah an hlut ve hna tiah theih a si.
Cupin ah Myanmar ralkap zong nih COVID-19 Vaccination Fund caah million 1000 MMK an hlut ve tiah theih a si. Cun Kanbawza Bank (KBZ) nih million 3000 MMK hlutnak an rak tuah ve tiah theih a si.
Hi COVID-19 Vaccination Fund caah Myanmar ram chung ummi Muslim nih bu zong an ser i fund an kawl peng rih tiah theih a si.
(Ref: DVB)
