Hakha sii-inn ah chiah mi Mindat khuami Case No. 232 cu a voi khanak negative a si, tiah Hakha sii-inn-uk Dr. Mang Biak Kung sin in June 22 ah kan theih.
Hakha sii-inn-uk Dr. Mang Biak Kung nih, “Mindat kan naupa Case No. 232 cu voi 4 tiang a thi kan chek i a voi 4nak ah negative a si. Thantlang kan unau Case No. 182 hi cu voi 5 tiang a thi kan chek cang nain nihin tiang ah positive (zawtnak a ngei rih) a si peng rih ko,” tiah The Hakha Post ah a chim.
Hakha sii-inn ah Quarantine a um mi nurse 6 zong June 22 ah an dihlak in voi hnih tiang negative an si ca ah an thlah cang hna tiah kan theih.
