- Tedim khuami Tuang Suan Khai (kum 36) cu March 23 ah Myanmar ram Ngandamnak le Zaanglek Minister Zung nih COVID-19 hrik a ngei, tiah an fehter.
- Tuang Suan Khai konglam tawi cu; Taung Suan Khai cu Tedim Peng Kaptel khua ah Pu Vung Khan Lian le Pi Cing Khu Lian nih 1983 April 11 ah an ngeih mi a si. Amah hi America ram Washington DC ah khuasa mi a si.
- Tuang Suan Khai cu Washington DC in March 13 ah a nu Pi Cing Khu Lian he America Airline in an ra i March 15 ah Yangon khua a phan. Chikhat an i dinh hnu ah Myanmar Airline in Kalaymyo ah an lan.
- Kalaymyo Tat-Oo Thita Sang No. 5/128, Pu Khup Sian Thang inn ah aa thum. Amah hi nupithit ah a rak tlung mi a si bantuk in a nupi ding Ning Ngial Kim le Pu Suan Tuang Peng le tiin Cherry hmanthlaknak dawr ah Pre-wedding photo an i thla.
- Tuang Suan Khai cu March 17 ah Pyichitthar motor in Tedim a phan. March 18 ah AG Khrihfabu motor in Kaptel khua a phan. March 19 ah a taklin i Kaptial khua PSI Dr. Phyo Kyaw sii-khaan ah aa thlop.
- Cu hnu ah Tedim sii-innpi siibawite he an i ceihmai hnu ah Tedim sii-innpi kulhchung ah a um mi khaan 8, dot 2 inn ah amah lawng an chiah.
7/8/9/10. Hi kong he pehtlai in Tedim, Kaptel khua le Kalaymyo ah amah he naihniam in a um mi hna cu zohfelnak an tuah hna.
Biakilh: Hi thawng hi Chin Ramkulh Cozah Chimphuannak Nawlngeitu Sipin Minister nih hmanthlak in news a kan pek mi a si. A kong hi number 12 tiang an tial nain a tawinak le aa tlak ning in hun lehchin mi a si.
